प्रदीप खड्का स्टारर फिल्म ‘एक्टर’को पूर्वनिर्धारित प्रदर्शन स्थगित भएको छ । निर्माताले विहिबार विज्ञप्ति जारी गर्दै यो फिल्म कात्तिक १५ गते नआउने जनाएका हुन् ।
यो फिल्म अब माघ १६ गते प्रदर्शन हुने भएको छ ।
मानवीय र प्राविधिक कारणले निर्धारित मितिमा फिल्म प्रदर्शन हुन नसक्ने देखिएको निर्माताले जनाएका छन् ।
वितरक, पोस्ट प्रोडक्सन र अन्य नेपाली फिल्मको प्रदर्शनलाई समेत दृष्टिगत गर्दै प्रदर्शन सारिएको अदृत फिल्म्स र मोती फिल्म्सले जनाएका छन् ।
प्रदीपसहित आना शर्मा, दिब्या रायमाझी, राजवल्लभ कोइरालाको शीर्ष भूमिका रहेको फिल्मलाई राजन भुषालले निर्देशन गरेका हुन् ।
